Facebook   Twitter   Youtube   Myvideo   Mail  App Store  

მომხმარებლების უფლებები

15 ნოემბერი, 2011 |
მომხმარებლების უფლებები

ელექტრონული საკომუნიკაციო მომსახურების მიმწოდებელი კომპანიის მიერ მომხმარებელთა უფლებების დაცვის შესახებ კანონმდებლობის მოთხოვნათა დარღვევის შემთხვევაში, დაინტერესებულ პირს უფლება აქვს მიმართოს თავად ელექტრონული საკომუნიკაციო მომსახურების მიმწოდებელს ან/და საქართველოს კომუნიკაციების ეროვნულ კომისიას  ან პირდაპირ სასამართლოს.
საქართველოს კომუნიკაციების ეროვნულ კომისიასთან მოქმედი მომხმარებელთა ინტერესების საზოგადოებრივი დამცველის სამსახური განიხილავს თქვენს საჩივარს ელექტრონული საკომუნიკაციო მომსახურების შემდეგ სახეებთან დაკავშირებით:

  • ადგილობრივი სატელეფონო კავშირით მომსახურება;
  • საერთაშორისო და საქალაქთაშორისო სატელეფონო კავშირით მომსახურება;
  • მობილური სატელეფონო კავშირით მომსახურება;
  • ინტერნეტით მომსახურება;
  • მაუწყებლობის ტრანზიტით მომსახურება.

მომხმარებელთა ინტერესების საზოგადოებრივი დამცველის სამსახურის კომპეტენციაში შედის შემდეგი საკითხების შესწავლა და განხილვა:

  • მომხმარებლის არასათანადო ინფორმირება მომსახურების მიწოდების პირობების თაობაზე;
  • ელექტრონული საკომუნიკაციო მომსახურების მიწოდების შესახებ ხელშეკრულების პირობები;
  • ელექტრონული საკომუნიკაციო კავშირის დაზიანება;
  • სადაო დავალიანება;
  • მომსახურების პირველადი ჩართვა;
  • მომსახურების შეზღუდვის ან/და შეწყვეტის პირობები;
  • ელექტრონული კომუნიკაციების სფეროში მომსახურების მიწოდების წესისა და მომხმარებელთა უფლებების დაცვის შესახებ რეგლამენტით განსაზღვრული სხვა საკითხები.

დამატებითი ინფორმაციის მისაღებად გთხოვთ, დაგვიკავშირდით.
საკონტაქტო ინფორმაცია
ტელ/ფაქსი: (+995 32) 2 399505
ელ.ფოსტა: post@gncc.ge
მისამართი: თბილისი, 0144, ქეთევან წამებულის გამზ./ბოჭორმის ქ. 50/18